Alle studente moet jaarliks registreer, soos in die Algemene Akademiese Reëls, die Statuut van die Noordwes-Universiteit en die tersaaklike bepalings van die Wet op Hoër Onderwys bepaal word.

Dit is elke jaar min of meer aan die begin van Februarie tyd vir studente om te registreer.

Versnel jou registrasie volgende jaar deur jou minimum betaalbare gelde vroeg (Desember of Januarie) in die Universiteit se bankrekening in te betaal. Maak ook seker dat jou uitstaande Universiteitsrekening ten volle vereffen is, aangesien jy nie toegelaat sal word om vir volgende jaar te registreer as enige gelde vir hierdie jaar nog uitstaande is nie. Let daarop dat geen toegewings vir die betaling van die minimum gelde betaalbaar gemaak sal word nie.

Internasionale studente moet die volle bedrag van hul voorgenome studie-en verwante kostes aan die universiteit vooruit betaal, voordat registrasie gefinaliseer kan word. 

Bepalings en voorwaardes vir aanlynbetalings

Brosjure vir betaalbare gelde en finansiële reëls

Kry 'n kwotasie op klasgelde

GERAAMDE EERSTE MINIMUM GELDE 2024

EERSTEJAAR & SENIOR STUDENTE

NSFAS-befondsde studente word van die minimum eerste betaling vrygestel.

BANKBESONDERHEDE VIR BETALINGS

'n Direkte bankdeposito of elektroniese bankoorplasing kan in enige van die bankrekeninge van die Noordwes-Universiteit by ABSA, Eerste Nasionale Bank, Nedbank, Standard Bank of FNB Namibië gemaak word. Die vooraf gedefinieerde rekening genaamd “NWU STUDENT” moet gekies word uit die lys van begunstigdes onder ABSA se rekeningbetalings, FNB se openbare ontvangers, Nedbank se bankgoedgekeurde begunstigdes, of Standard Bank se maatskappylys van begunstigdes. Slegs die student se 8-syfer universiteitsnommer sal as begunstigde verwysing aanvaar word. Die relevante rekeningnommers is:

"NWU STUDENT" is uitsluitlik vir onderrig-, koshuis- of ander fooie, terwyl "NWU Vending" slegs vir die kontantmaaltydstelsel bedoel is.