Bedryfsingenieurs definieer, ontwerp, implementeer en verfyn stelsels en prosesse wat doelmatigheid, doeltreffendheid, produktiwiteit, asook kliënte- en werknemertevredenheid bewerkstellig.
Rekenaar en Elektroniese Ingenieurs verbind mense en die omgewing met die digitale wêreld. Hulle maak gebruik van elektronika, ingebedde rekenaars en vaardigheid van programmering om megatroniese stelsels te beheer.
Elektromeganiese ingenieurs verseker die veiligheid en doeltreffendheid van bedrywighede op aanlegte en fabrieke deur elemente vab elektriese en meganiese ingenieurswese te kombineer
Eletriese en Elektroniese Ingenieurs stel die moderne wêreld in staat om elektriese energie van die bron tot by die punt van toepassing te herlei. Hulle fokus op kragstelsels, kragherleiding, kragkondisionering en elektriese masjiene
Meganiese Ingenieurs is betrokke by die ontwikkeling, vervaardiging, bestuur en onderhoud van vervoer-, energie-omsetting-, vervaardiging-, opwekking-, wapen-, verkoeling- en verhittingstelsels.
Chemiese Ingenieurs is betrokke in die navorsing, ontwerp, ontwikkeling en bestuur van bedryfsprosesse waar rou materiaal verwerk word tot produkte van hoër ekonomiese waarde.
Mineraalprosessering is 'n spesialisveld in Chemiese Ingenieurswese en behels die fisiese en chemiese prosesse wat spesifiek gebruik word om metale te ontgin.
