Indien 'n student hul studies kanselleer binne die registrasietydperk gespesifiseer in die akademiese jaarboek vir kampus- en afstandstudente, is slegs die registrasiefooi betaalbaar. Indien 'n student egter hul studies na die registrasietydperk kanselleer, sal die volle koste van die programweergawe en klasgelde betaalbaar wees. Afslag kan toegepas word afhangende van die datum van onttrekking.

Indien 'n student sy/haar studie kanselleer, is alle beurse en/of lenings onmiddellik terugbetaalbaar.

Indien 'n nagraadse student sy/haar studie kanselleer, versuim om vir die volgende akademiese jaar te registreer voor die sluitingsdatum van registrasie, of sy/haar studie deur die Fakulteit beëindig word, sal alle NWU-beurse wat tydens die onvoltooide nagraadse studie ontvang is, omgekeer word, en die student sal aanspreeklik wees vir die volle koste van fooie.

In alle gevalle van oortredings en daaropvolgende dissiplinêre stappe kan dit, ingevolge die bepalings van die Universiteitsstatuut en die Studente se Dissiplinêre Reëls, die tydelike of permanente, algehele of gedeeltelike opskorting van regte en voorregte, ingryping in of onderbreking of beëindiging behels van studies of nie-aanvaarding in 'n koshuis, verbeur die betrokke student enige eis op die terugbetaling, vermindering of kwytskelding van gelde wat betaal is of betaalbaar is aan die Universiteit. Alle beurse en/of lenings is ook onmiddellik terugbetaalbaar.