“Flip the Switch” het ten doel om bewustheid te skep van energieverbruik en die impak daarvan op die omgewing. Hierdie bewustheid sal die NWU-gemeenskap nie net motiveer om energie te bespaar nie; elkeen kry ook die geleentheid om te begin om ʼn volhoubare verskil te maak in hul gemeenskappe en omliggende areas. ʼn Meer energiebewuste NWU sal uiteindelik die omgewing vir toekomstige generasies bewaar.

Die “Flip the Switch”-veldtog sal:

  • ʼn Opvoedkundige platform bied oor energieverbruik.
  • Werk maak van energievolhoubaarheidsuitdagings by die NWU.
  • Aktiewe interaksie hê met NWU-studente en -personeel sodat hulle bewus sal bly van energieverbruik op elke kampus.
  • ʼn Energiebeloningsprogram implementeer wat innoverende idees van NWU-studente, akademiese en ondersteuningspersoneel sal bevorder, ten einde energieverbruik te verminder.

Die belangrikste doelwit van die “Flip the Switch”-veldtog is vir die NWU-familie om hul Pers Meer Groen te Maak! Rig enige navrae aan green-energy@nwu.ac.za

Flip The Switch kompetisiewenners

Kasteel en Laureus het Romans Pizza-koopbewyse ontvang vir hul waardevolle pogings om hul energievoetspoor te verklein.

*Die Flip The Switch-wenners vir Mei en Junie 2019 sal ná die Junie/Julie-reses aangekondig word.

Geluk aan Kasteel – die wenners van Maart 2019 se “Sit Dit Af”-kompetisie. Hulle het hul energieverbruik verminder met ʼn allemintige 26,98%! Hul totale besparing in elektrisiteit was genoeg om 1,1 miljoen slimfone te laai.

Geluk aan Laureus – die wenners van April 2019 se “Sit Dit Af”-kompetisie. Hulle het hul energieverbruik verminder met ʼn allemintige 26,06%! Hul totale elektrisiteitsbesparing het CO2-emissies met bykans 10 500 kilogram verminder.