Die Noordwes-Universiteit se Tegnologieoordragkantoor bestuur die komplekse proses m.b.t. die beskerming van ontdekkings wat uiteindelik produkte en dienste sal word. Dit word gedoen deur die verkryging van patente, sodat ʼn ontdekking gelisensieer kan word en verder ontwikkel kan word deur ʼn bestaande maatskappy of ʼn beginnermaatskappy om die nuwe produk te produseer. Ons evalueer en ontgin ook alle ander beskikbare kommersiële moontlikhede om navorsers en entrepreneurs van advies, ondersteuning en die nodige hulpbronne te voorsien.